申博sunbet开户

主页 > 设计空间 >9个月大猫星人赢破坏王冠军

9个月大猫星人赢破坏王冠军

据毛毛做咗廿几年兵嘅经验嚟睇呢,每个毒L嘅心深处,应该都係一个奴才,如果唔係点会畀女神任劳任怨吖!嗱,老老窦窦,唔係毛毛得个讲字㗎,最近英国就有间公司搞咗个坚毛孩破坏王比赛,冠军得主嗰只喵星人虽然得9个月大,但就破坏力惊人,已经整烂咗佢奴才价值2000英镑,即係大概2万鬆啲港纸嘅家私喇!睇下佢个得戚样,真係好大嘅猫威呀!

9个月大猫星人赢破坏王冠军

大嗱嗱两万银家俬就咁报销,不过唔紧要,呢个比赛係有500英镑做奖金嘅!但似乎就冚唔返条数喇,55,都好过冇嘅……主子就係主子,就算佢整烂晒全间屋,奴才都应该感恩佢冇整烂埋自己先係嘅!

9个月大猫星人赢破坏王冠军

其实唔单止喵星人有咁强大嘅威力呀,汪星人都唔弱㗎!亚军得主嘅呢只腊肠狗,咪睇佢脚短短咁,佢已经成功将屋企啲墙壁都咬烂晒,坐垫、地毯、碗、木条甚至用嚟煮晚饭嘅餸都畀佢搬晒去洗衫房。

9个月大猫星人赢破坏王冠军

至于季军嘅得主呢,都係汪星人嚟嘅,佢嘅战绩毛毛都唔使多讲,自己睇相啦!

9个月大猫星人赢破坏王冠军

唉,佢哋啲主人畀佢哋屋企嘅毛孩搞到咁,毛毛都觉得佢哋係惨嘅,不过查实毛毛仲惨呀!人哋又係毛孩,毛毛又係毛孩,点解同毛唔同命,人哋就係主子,毛毛就成世都係奴才喎,公平咩?呜呜。

封面图片、资料及图片来源:terrysfabrics